Sagan um dóttur veðurguðsins varð til 2014 þegar við fjölskyldan, ég, maðurinn minn og dóttir, sem þá var 8 ára, köstuðum á milli okkar hugmyndum við eldhúsborðið og stelpan hún Blær kom í ljós.  

Ég á allskonar börn, sum lesblind og við skrifin hafði ég þau í huga, því sem betur fer sjáum við ekki heiminn eins, þeir sem eru lesblindir eru oft lunknir að skynja myndir og það er skemmtilegt að eiga vini og fjölskyldu sem sjá hlutina á annan hátt. Mér fannst alveg svakalega gaman að lesa bókina aftur og í þetta skipti fyrir ykkur. Já, svei mér þá hún er bara skemmtileg.

Lesskilingingsverkefnið var unnið með það í huga að það mætti ekki vera leiðinlegt. það er ekki eins auðvelt og maður heldur, ég held samt að það hafi tekist ágætlega. Ég hlakka til að heyra frá ykkur, endilega komið með spurningar og/eða hugmyndir um hvernig væri hægt að stækka Blævi og hennar stórskrýtnu fjölskyldu!

Með bestu kveðjum

frá Helgu Sveindísi Helgadóttur.

‍