Á þessari síðu er að finna efni fyrir nemendur til að þjálfa sig í lestri og lesskilningi heima við. Sú umræða að mörg íslensk börn eigi við lestrarvanda að stríða hefur farið nokkuð hátt að undanförnu og viljum við leggja okkar af mörkum til að aðstoða nemendur við að  þjálfa sig í því að ná betri árangri í lestri með því að bjóða upp á vandað og áhugavert efni í skemmtilegri framsetningu og með gagnlegum verkefnum, því það er eins og með svo margt að æfingin skapar meistarann.

Nú bjóðum við upp á glænýtt þjálfunarefni í lestri og íslensku þar sem við einbeitum okkur að konum í Íslendingasögunum. Lengi hefur hetjudáðum karlanna verið  mestur gaumur gefinn en minna hugað að þeim frábæru kvenpersónum sem þar birtast.  

Efnið er byggtupp á svipaðan hátt og í Litabókunum, þ.e. þið getið nálgast það í ólíkum sniðum.

• Flettibók af efninu
• Allt efnið í pdf formi
• Krossaspurningar úr efninu til útprentunar
• Vefútgáfa með gagnvirkum spurningum.

Já, hér er hægt að þjálfa lestur og lesskilning á markvissan og uppbyggilegan hátt og kynnast Íslendingasögunum í nýju ljósi.

Hentar bæði í skólastofunni og fyrir einstaklingsmiðað nám heimafyrir.

Auður  djúpúðga  er  einstök  kona  í  Íslandssögunni.  Sem  ung  kona  var  hún  drottning  á Írlandi  og  síðar var hún  konungsmóðir á  Skotlandi! Hún  endaði  sem  landnámskona  á Íslandi.  Auður djúpúðga  er ekki  bara  ættmóðir helstu  höfðingja  vestanlands  á  Íslandi, heldur  áttu  jarlar  Orkneyinga  og  stórmenni  Færeyinga  einnig  ættir  að  rekja  til  hennar.