Hér rekjum við aðdraganda þessa mikla hildarleiks nokkuð ítarlega en það hefur verið skoðun margra að í raun hafi ekki verið nein sérstök ástæða eða nauðsyn fyrir þessu stríði þar sem a.m.k. 10 milljónir hermanna létu lífið og fleiri sátu eftir með varanlega áverka. Þá er ekki talað um afleiðingarnar sem þetta hafði á almenning, milljónir manna sem höfðu ekkert til saka unnið en þurftu að lifa við mikinn skort og fátækt í kjölfarið.

Styrjöldin hafði miklar afleiðingar á milljónir manna og fólk fylgdist eins vel með atburðarásinni eins og það gat. Lengi vel vissu menn ekki hvernig stríðinu myndi lykta og hvaða afleiðingar það hefði í för með sér. Útkoman var svo algjörlega ný heimsmynd þar sem rótgróin ríki hurfu með öllu og ný urðu til.

Hér bjóðum við upp á valdar greinar í þeim tilgangi að skýra ákveðna þætti betur fyrir nemendum og gefa betri innsýn í einstök atriði s. s. skotgrafahernað auk þess sem sumar greinarnar fjalla um ákveðna hliðaratburði sem skiptu miklu máli fyrir atbuðarásina eins byltingarnar í Rússlandi 1917.

Hér er hægt að nálgast upplýsingar um einstaka bardaga sem ekki var pláss fyrir í meginmálinu og þjónaði kannski heldur ekki markmiðum þar.  Allir þessir bardagar höfðu í raun úrslitaáhrif á gang styrjaldarinnar.

Eins og með öll átök standa persónur þar að baki: persónur sem tóku ákvarðanir sem vörðuðu fjölda fólks. Hér skoðum við stakar persónur og munum bæta fleiri einstaklingum við smátt og smátt.