Hér er fjallað um samskipti og hugtök sem tengjast almennri hegðun og háttvísi. Hugtök eins og lýðræði, samhjálp, fyrirmyndir og tilfinningar eru skoðuð eins og kveðið er á um í námskrá.

Efnið er hugsað fyrir 1. eða 2. bekk og telur 22 bls. Það er einfalt í sniðum, en eins og gefur að skilja með efni sem þetta skiptir aðkoma kennarans höfuðmáli. Hann þarf að stýra allri vinnu fyrir svo unga nemendur, lesa textana upp og ræða hvert verkefni á uppbyggilegan hátt.  

Inn á milli höfum við skotið einföldum en skemmtilegum æfingum til að breyta til og létta á heildarefninu.

Umræðuefnið er Ísland og ákveðin einkenni þess með sérstakri áherslu á kortavinnu og staði. Til umræðu eru einkum fjöll, ár, jöklar, eyjar, firðir, vötn og einstakir landshlutar.

Efnið er hugsað fyrir 1. og 2. bekk, skiptist í 22 kafla og telur 26 bls. Það er einfalt í sniðum en eins og gefur að skilja skiptir aðkoma kennarans höfuðmáli, en hann þarf að stýra allri vinnu fyrir svo unga nemendur.  

Inn á milli höfum við skotið einföldum en skemmtilegum æfingum til tilbreytingar og í því skyni að létta á heildarefninu.

Hér er áherslan lögð á Norðurlöndin og valin atriði tengd þeim. Meðal annars er fjallað um litlu hafmeyjuna, fyrsta íslenska landnámsfólkið, Einar Áskel, Múmínálfana, ísbirni, höfuðborgir o.fl.

Efnið er hugsað fyrir 1. til 3. bekk, skiptist í 20 kafla telur 24 bls. Það er einfalt í sniðum og aðgengilegt fyrir unga nemendur.  

Inn á milli höfum við skotið einföldum en skemmtilegum æfingum til tilbreytingar og til að létta á heildarefninu.

Hér er fjallað um reikistjörnurnar og helstu einkenni þeirra án þess að fara djúpt í efnið.  

Efnið er hugsað fyrir 1. til 3. bekk, skiptist í 21 kafla og telur 24 bls. Það er fyrst og fremst grunnur sem kennari getur svo bætt við eftir efnum og ástæðum.

Risaeðlur hafa löngum heillað unga nemendur enda líf þeirra og heimur börnum framandi og kannski óraunverulegur þótt margt sé vitað með vissu um þessi jarðardýr. Þá gefur saga risaeðlanna börnum góða tilfinningu fyrir þróun lífs á jörðinni í aldanna rás.

Námsefnið sem er hugsað fyrir nemendur í 2. og 3. bekk skiptist í 24 kafla og telur 28 bls. Má þó ætla að nemendur í 2. bekk þurfi töluverða aðstoð við það og þá ekki síst með lesturinn í huga og það að svara spurningunum úr námsefninu. En það fer að sjálfsögðu allt eftir því hvernig það er borið fram.

Það er mikilvægt að nemendur geri sér grein fyrir sögu heimsins í stórum dráttum og fái innsýn í það tímaskeið sem þeir eru hluti af, og eins að þeir fái hugmynd um fyrstu stóru samfélögin og hvar þau voru.

Þetta efni er hugsað fyrir yngri bekki grunnskólans eða frá 2. og upp í 4. bekk eftir því hvað hverjum og einum hentar. Efnið skiptist í 20 kafla og telur 26 bls.

Í markmiðum Aðalnámskrár fyrir 3. bekk er vikið að því að nemendur eigi að koma auga á nokkra þætti sem hafa haft áhrif á mannlífið í tímans rás, svo sem umhverfi og skipulag samfélaga og ætti því þetta efni að henta fyrir þann aldurshóp.

Framsetning og uppbygging efnisins er einföld og aðgengileg.