Skólavefurinn.is kynnir

Stuðningssíða fyrir haustprófin 2019
og samræmdu prófin.

Þúsundir æfinga og kennslumyndbanda til þjálfunar fyrir haust- og vorprófin!

Veldu bekk og námsgrein:

9. og 10. bekkur

7. bekkur

4. bekkur

2019 - Nýtt þjálfunarefni fyrir 4. og 7. bekk
fyrir samræmd próf

Nýtt þjálfunarefni í íslensku fyrir 4. bekk

Nýtt þjálfunarefni í íslensku fyrir 7. bekk

Eins og allir vita þreyta nemendur samræmd könnunarpróf í íslensku og stærðfræði nú á haustdögum. Í 7. bekk eru þau haldin 19. og 20. september næstkomandi en í 4. bekk 26. og 27. september. Hafa margir kennarar og nemendur nýtt sér prófasíðuna okkar til að þjálfa sig fyrir þessi próf og nú bætum við nýju efni við í íslensku. Er þetta efni einungis til útprentunar.
Efnið fyrir 7. bekk telur 19 blaðsíður og efnið fyrir 4. bekk 17 blaðsíður.  
Sérstök lausnahefti fylgja.


Nýlegt

Nýjar þjálfunarspurningar í íslensku fyrir 7. bekk

Beygingarmyndir nafnorða - Æfingar

Beygingarmyndir sagnorða - Æfingar


Dagsetningar könnunarprófa 2019-2020

Samræmd könnunarpróf í 7. bekk - Haustið 2019:

Fimmtudagur 19. september 2019 - 7. bekkur - Íslenska

Föstudagur 20. september 2019 - 7. bekkur - Stærðfræði

Samræmd könnunarpróf í 4. bekk - Haustið 2019:

Fimmtudagur 26. september 2019 - 4. bekkur - Íslenska

Föstudagur 27. september 2019 - 4. bekkur - Stærðfræði

Samræmd könnunarpróf í 9. bekk - Vorið 2020:

Þriðjudagur 10. mars 2020 - 9. bekkur - Íslenska

Miðvikudagur 11. mars 2020 - 9. bekkur - Stærðfræði

Fimmtudagur 12. mars 2020 - 9. bekkur - Enska

ANNAÐ Námsefni sem hjálpar til við undirbúning samræmdu prófanna Á SKÓLAVEFNUM

Um þessa síðu

Á þessari síðu bjóðum við upp á valið þjálfunarefni í völdum námsgreinum til að hjálpa nemendum að undirbúa sig fyrir próf.

Eins og gefur að skilja er alltaf erfitt að átta sig á hvernig prófin í hverjum skóla eru uppbyggð og á hvað áhersla er lögð. Þá eru margir óvissuþættir sem velta á því hvaða námsefni hefur verið lagt til grundvallar í viðkomandi skóla.

Það sem við hinsvegar getum tekið mið af eru almennir grunnþættir sem allir nemendur þurfa að kunna skil á óháð skóla, samkvæmt Aðalnámskrá grunnskóla. Einnig bjóðum við upp á þjálfun í að glíma við valin viðfangsefni á almennan hátt, sem alltaf er gagnlegt. Þjálfunarefnið byggjum við á samræmdum prófum liðinna ára sem og völdu námsefni af Skólavefnum.

Við höfum nú boðið upp á þjálfunarefni af ýmsu tagi á undanförnum árum og hafa viðbrögðin verið mjög jákvæð og því höfum við ákveðið að útfæra þennan lið enn betur ef vera mætti að það hjálpaði fleirum að ná betri árangri. Það er þó rétt að benda á að þjálfunarefni af þessu tagi er einungis viðbót og stuðningur við það góða starf sem fram fer í skólunum.

Við viljum líka vekja athygli á því að síða þessi er stöðugt í vinnslu. Enn sem komið er bjóðum við einungis upp á efni fyrir 4. bekk, 7. bekk og 10. bekk og einungis í völdum námsgreinum.

Hvernig nota ég síðuna?

Við höfum lagt okkur í líma við að reyna að hafa síðuna eins einfalda í notkun og mögulegt er. Efninu er skipt niður eftir bekkjum og námsgreinum. Ef eitthvað er óljóst hvetjum við ykkur til að hafa samband við okkur á Skólavefnum og við munum reyna að greiða götu ykkar enn frekar.

Skólavefurinn.is