Þjálfið ykkur í dönsku og aukið orðaforðann með dönskum blaðagreinum. Hægt er að lesa þær á vef eða prenta þær út. Góð verkefni og orðskýringar fylgja. Þessar blaðagreinar eru einkum hugsaðar fyrir lengra komna og segja má að þær taki við þar sem blaðagreinum(1) sleppir. 

Þessi skemmtilega saga, eftir Vilhjálm Gíslason dönskukennara, er byggð á goðafræðinni. Sagan er í tólf köflum og skreytt frábærum myndum eftir breska listamanninn Daniel Cook. Goðafræðin og danskan spinnast hér saman á skemmtilegan hátt og fanga hug nemenda. Hægt er að panta prentútgáfuna í bók hjá Skólavefnum.

Í grunninn er um að ræða sögu í tólf köflum sem unnin er úr íslensku goðafræðinni og segir frá því þegar guðirnir, Óðinn, Þór og félagar ákváðu að leggja land undir fót og skoða sig um í heiminum. Á vefsíðunni er boðið upp á upphleyptar orðskýringar og gagnvirkar æfingar. Þeir sem eiga erfitt með að lesa textann í hefðbundinni stærð geta einnig stækkað letrið að þörfum. Þá er eins og venjulega hægt að prenta kaflann út með góðum verkefnum.

Almennar skýringar í dönsku málfræði - Gagnvirkar æfingar - Verkefni til útprentunnar

(ath. hér er notuð flash tækni sem hentar ekki mörgum snjalltækjum)

‍

Málfræðigrunnur Jónu Hansen stendur alltaf fyrir sínu. Hér er á ferðinni heildstætt námsefni í danskri málfræði sem nýtist alveg upp í framhaldsskóla. Bæði er hægt að nálgast efnið í gagnvirkri útgáfu og til útprentunar (pdf).

Á vefsíðu hverrar blaðagreinar er boðið upp á þrjár gagnvirkar æfingar, einn gagnvirkan námsleik, upphleyptar orðskýringar og sérútbúna prentútgáfu með góðum verkefnum og svör aftast sem kennari getur valið hvort hann lætur fylgja með til nemenda.

Hér má meðal annars nálgast valda bókmenntatexta á dönsku. Flestum textunum fylgja góð verkefni og orðskýringar, og nokkrum þeirra fylgir upplestur. Þetta er tilvalið efni fyrir alla sem vilja auka les- og hlustunarskilning sinn í dönsku.