Í ljósi þess að margir nemendur eru nú að vinna heima viljum við nota tækifærið og benda á efni sem hentar vel fyrir hverja bekkjardeild og stuttar leiðbeiningar.
Skiptum við efninu upp í árganga en vissulega getur sama efnið hentað og náð yfir fleiri árganga og því verið á fleiri en einum stað.
Er það von okkar að þessar stuttu kynningar hjálpi ykkur að finna það efni sem hentar best og geti þannig leitt ykkur áfram.
Við byrjum á efni fyrir 10. bekk.
Eftirfarandi efni höfum við tekið saman fyrir nemendur í 10. bekk. Þetta er þó aðeins brot af því efni sem við bjóðum upp á fyrir þennan árgang, en einhvers staðar verðið þið að byrja.
Mest er af efni í íslensku og lestri enda hefur áherslan þar verið mikil að undanförnu.
Í íslensku bjóðum við upp á gríðarlega mikið af fjölbreyttu námsefni sem hentar vel fyrir 10. bekk.
Hér nefnum við aðeins það helsta:
Stöðupróf eru gagnleg til að kanna stöðu nemandans og ekki síður til að nemandinn átti sig á hvar hann getur bætt sig.
Bæði er hægt að taka prófið gagnvirkt og/eða prenta það út. Stöðuprófið fyrir 10. bekk telur rúmlega 60 prentaðar blaðsíður og því gott að taka það í nokkrum áföngum. Svarlykill fylgir.
Ath! Ef prófið er prentað út þarf samt að fara inn í gagnvirka hlutann til að sækja hljóðskrár þegar þess er þörf.
Ef áhersla ykkar er á málfræði eða málnotkun mælum við með námsefninu Tungutak 3. Hægt er að sækja bækurnar bæði sem flettibækur og pdf. Þá er boðið upp á 213 gagnvirkar spurningar sem hafa gríðarlega mikið kennslugildi. Ítarlegar hugtakaskýringar + lausnir.
https://nytt.skolavefurinn.is/islenska/unglingastig/tungutak
Gott er að vinna þetta efni í tengslum við Tungufoss og takmarka sig við ákveðinn blaðsíðufjölda í hvert sinn.
Ef þið viljið bæta ykkur í málfræði á skemmtilegan hátt þá mælum við eindregið með þessari síðu. Málfræðiklikk er síða þar sem hægt er að þjálfa sig í völdum afmörkuðum málfræðiatriðum á þægilegan og aðgengilegan hátt. Það eina sem þarf að gera er að klikka á það orð sem þú telur að falli undir það sem þú ert að leita að og þá færðu vissu þína.
Hér er á ferðinni auðveld og góð leið til að læra grunnatriði málfræðinnar. Efnið er fyrst og fremst hugsað gagnvirkt en líka er hægt að prenta það út. Þá fylgir sérstakt lausnahefti. Til að fara í æfingarnar klikkið þið á tengilinn sem tilgreinir það sem þið viljið þjálfa ykkur í. Þar er svo hægt að sækja prentskjölin.
Æfingarnar eru svo margar að við vitum varla fjöldann á þeim. Hvetjum við alla til að skrá niður æfingarnar sem teknar eru og halda bókhald yfir þær. Þá leggjum við til að farið sé í hverja æfingu aftur og aftur þangað til þið hafið gert allt rétt. Þið eruð fljótari að því en þið haldið
https://nytt.skolavefurinn.is/islenska/unglingastig/malfraediklikk
LITABÆKURNAR eru röð af lestrarbókum sem sniðnar eru að þörfum þeirra sem vilja þjálfa sig í lestri með sérstaka áherslu á lesskilning. Bækurnar eru fáanlegar í ólíkum sniðum sem henta öllum tækjum og tólum og auk þess er hægt að prenta þær út. Vandaðar gagnvirkar spurningar fylgja hverjum texta. Textarnir greinast í 6 stig: 0-100 orð, 100-200 orð, 200-300 orð, 300-400 orð, 400-500 orð og 500-600 orð. Þá bjóðum við upp á sérstaka Bleikbók þar sem æfingarnar eru meir í anda spurninganna sem nemendur fá á Pisa prófum.
Frábært þjálfunarefni og við mælum með einni æfingu á dag. Það mun ekki standa á árangrinum.
https://nytt.skolavefurinn.is/islenska/almennt/litabaekur
Hér fyrir neðan má sjá dæmi um lestexta með gagnvirkum spurningum. Þessi texti er úr Svartbókinni en þar eru textar upp að 600 orðum og ætti að henta nemendum í 10. bekk.
Hér bjóðum við upp á alveg nýja nálgun í ljóðakennslu. Ljóðasafnarinn – Stig 3 er hugsaður fyrir unglingastig, 8.-10. bekk og bætast nokkur ný ljóð við á hverju ári. Nú eru þau orðin 12.
Hverju ljóði fylgja góðar útskýringar á mannamáli (umræða) þar sem farið er yfir líkingar, umhverfi, almennar skýringar og annað sem við teljum áhugavert í ljóðunum yfirleitt. Öllum ljóðunum fylgja verkefni sem hafa það að leiðarljósi að auka skilning lesendanna á ljóðinu. Þá bendum við á að hverju ljóði fylgir gagnvirk æfing sniðin að því að hjálpa nemendum að læra ljóðið utanbókar.
Hér getið þið nálgast Ljóðasafnarann – 3. stig
Í 10. bekk er nemendum gert að lesa og læra valdar Íslendingasögur. Á Skólavefnum bjóðum við upp á allar þær Íslendingasögur sem kenndar eru í sérstökum kennslubúningi. Hér má nálgast allar okkar Íslendingasögur í kennslubúningi:
Við mælum sérstaklega með eftirfarandi sögum: Brennu-Njáls sögu, Egils sögu Skallagrímssonar, Finnboga sögu ramma, Gísla sögu Súrssonar, Gunnlaugs sögu ormstungu, Hrafnkels sögu Freysgoða, Kjalnesinga sögu, Króka-Refs sögu, Laxdæla sögu.
Það sem hver saga hefur að geyma:
Hægt er að hlusta á þær allar upplesnar. Þeim fylgir öllum vinnuhefti ásamt með lausnum, gagnvirkum spurningum, umfjöllun fyrir kennara, orðskýringum í vefútgáfu. Þá er bæði hægt að skoða sögurnar í sérstakri vefútgáfu og prenta þær út. Rétt er að taka það fram að þetta efni er alls ekki bundið við nemendur í grunn- og framhaldsskólum, heldur fyrir alla þá sem vilja rýna í menningararfinn okkar.
Þá buðum við í fyrsta sinn í vetur upp á nýja nálgun í kennslu Íslendingasagna sem við köllum Blikkljós. Hún felst einkum í því að í stað þess að nemendur lesi heila Íslendingasögu eins og hingað til hefur verið gert, lesa þeir útdrátt úr viðkomandi sögu og fá svo stutta valda texta til að glíma við úr sögunni sjálfri. Í þessu fyrsta hefti er að finna Kjalnesinga sögu og Gunnlaugs sögu ormstungu.
Í ensku bjóðum við upp á fjölbreytt námsefni sem hentar vel fyrir 10. bekk.
Héreru nokkur dæmi:
Enskur lesskilningur eru þrjár bækur, 1, 2 og 3 sem bæði er hægt að vinna gagnvirkt alla leið eða prenta út. Þar einbeitum við okkur að lesskilningi í ensku. Fyrir 10. bekk er bók 3 tilvalin.
Efnið er einfalt í notkun og mælum við með einum leskafla á dag.
Hér er þessi frábæra saga eftir snillinginn Oscar Wilde sett í kennslubúning. Sagan skiptist í 7 kafla og er hver og einn útbúinn með greinargóðum gagnvirkum orðskýringum sem felast í því að ef þið setjið músa bendilinn yfir undirstrikuð orð þá birtist þýðingin. Þá fylgja vandaðar gagnvirkar spurningar hverjum kafla og svo er hægt að hlusta á alla kaflana upplesna.
Hér má nálgast The Canterville Ghost:
https://skolavefurinn.is/namsgreinar/enska/canterville-ghost
Hér er um að ræða þema tengdar krossgátur til að auka orðaforða. Skemmtileg og ánægjuleg leið til að læra. Þetta efni er enn sem komið er einungis til útprentunar. Lausnir í sér skjali.
Hérmá nálgast efnið:
https://skolavefurinn.is/system/files/skolavefurinn_efni/flettibaekur/enskar-krossgatur/enskarkrossgatur_book.pdf
Í stærðfræðibjóðum við upp á fjölbreytt efni fyrir 10. bekk.
Hér eru nokkur dæmi:
Á Prófasíðunni okkar er einnig að finna mikið efni til að þjálfa sig. Til að komast inn í það efni er smellt á tengilinn fyrir neðan:
https://nytt.skolavefurinn.is/profasidan/staerdfraedi-10-bekkur
Á Prófasíðunni okkar er einnig að finna mikið efni til að þjálfa sig. Til að komast inn í það efni er smellt á tengilinn fyrir neðan:
https://nytt.skolavefurinn.is/profasidan/staerdfraedi-10-bekkur
Stærðfræðikennarinn okkar hefur að geyma um 1000 myndbönd, en í þeim myndböndum er farið yfir hvernig á að reikna fjölbreytt úrval dæma með ýmsum aðferðum.
Myndböndunum fylgja útprentanleg hefti sem nemendur geta reiknað og að sjálfsögðu er alltaf hægt að sækja svör við þeim heftum.
Fyrir 10. bekk leggjum við til að nemendur skoði efnisyfirlitið vel og fari í það sem samsvarar því efni sem kennt er í skólanum.
Þá mælum við með að nemendur fari inn í samræmd próf (10. bekkur), prenti út dæmaheftin og svari þeim dæmum sem þar er að finna og kíki svo á myndböndin og svörin.
Hér er farið inn í Stæðfræðikennarann:
https://skolavefurinn.is/staerdfraedikennarinn
Dæmi um myndbandskennslu:
Í landafræði fórum við nýlega af stað með nýja síðu sem nú þegar inniheldur þrjár námsbækur þar sem farið er yfir atriði eins og: kort og hvernig á að lesa úr þeim, heimsálfurnar, kenningar um hvernig heimurinn varð til, samsetningu jarðarinnar, flekakenninguna, jarðskjálfta og eldvirkni, háhita- og lághitasvæði, hugtakið loftslag útskýrt og hvað hefur áhrif á það, gang himintunglanna, möndulhalla jarðar, árstíðir, loftslagsbelti, hæð yfir sjávarmáli, hafstrauma, hæðir, lægðir og loftþrýsting, lofthjúpinn, hlýnun jarðar og margt fleira.
Verkefnin sem fylgja eru mjög fjölbreytt, áhugaverð og skemmtileg. Lausnir við verkefnum fylgja.
Á síðunni er líka mikið af skemmtilegum gagnvirkum æfingum sem allir ættu að hafa gaman af.
Veistu svarið er gagnvirkur spurningaleikur sem hentar fyrir allar tölvur og síma. Þú smellir á flokk og færð 10 spurningar í þeim flokki. Þegar þú hefur lokið þeim getur þú smellt á annan flokk eða sama flokkinn og fengið aftur tíu spurningar. Athugið að spurningarnar veljast handahófskennt þannig að þú getur fengið sömu spurningarnar aftur, en það er bara betra.
Viðfangsefnin eru fjölmörg:
• Bókmenntir
• Danskur orðaforði
• Efnafræði
• Enskur orðaforði
• Íslensk málnotkun og málfræði
• Landafræði
• Saga
