Litað eftir tölum eru stýrðar litabækur sem krefjast þess að nemendur kunni tölurnar frá einum upp í tíu. Ef ekki er til litaprentari til að sýna litina þarf að hjálpa nemendum að lesa hvaða litur á við hvaða tölu.

Það að teikna eftir tölum er á margan hátt svipað og að vinna í sporun nema hvað nemendur verða að kunna röð talnanna, þ.e. að telja. Hér getið þið nálgast 4 bækur sem hver hefur að geyma 10 myndir.

Flest börn hafa gaman að því að fást við þrautir og hér er hægt að nálgast fjölbreyttar þrautabækur sem hafa að geyma 10 þrautir hver. Já, það að glíma við þrautir er alhliða þroskandi fyrir börn og eykur færni þeirra á svo mörgum sviðum.

Það krefst góðra fínhreyfinga að geta skrifað og teiknað. En eins og með allt annað er hægt að þjálfa slíka færni og sporunaræfingarnar sem við bjóðum upp á eru tilvaldar í það. Við byrjum á 5 bókum sem hver um sig inniheldur 20 æfingar.

Hér getið þið nálgast hugmyndir að áhugaverðu föndri þar sem hugmyndirnar eru skýrðar út með leiðbeiningum. Nú þegar eru komnar 7 bækur með um 10 hugmyndum í hverri bók svo þetta gerir um 70 hugmyndir. Nýju efni bætt við reglulega.

Hér getið þið nálgast fróðleik úr ýmsum áttum til að lesa fyrir börnin og ræða. Við höfum skipt þeim upp í 8 bækur með 20 skilgreindum fróðleiksmolum í hverri bók. Það gerir um 160 fróðleiksmola. Nýju efni bætt við reglulega.

Rímbækurnar eru einkum ætlaðar til útprentunar en svo er einnig hægt að nálgast þær í skemmtilegri vefútgáfu sem getur hentað mörgum í ólíkum aðstæðum. Þetta efni er hugsað fyrir yngstu nemendurna, þá sem eru að fóta sig í fyrstu skrefum lestrarævintýrisins. Efnið er frábrugðið hefðbundnu þjálfunarefni í lestri því áherslan hér er fyrst og fremst á rím og það hvernig stafur eða stafir á undan, á eftir og inni í orði geta breytt lestraráherslunum og myndað ný orð og nýja merkingu.

Fjórar stórskemmtilegar verkefna- og þrautabækur fyrir yngstu nemendur grunnskólans og elstu nemendur leikskólans. Efnið er úr smiðju Mjallar Gunnarsdóttur og hvetjum við alla til að kynna sér þetta efni vel. Hver bók hefur að geyma tíu verkefni og er því samtals um 40 verkefni að ræða. Rétt er að vekja athygli á því að þó verkefnin séu í lit hjá okkur virka þau allt eins vel í svarthvítu og því er auðvelt að prenta þau út.

Hér er um að ræða lita- og verkefnabækur þar sem tölurnar frá 1 upp í 20 eru kynntar. Við höfum skipt efninu í 4 skjöl til einföldunar en í heildina er um 30 blöð að ræða.

Bitabækur eru skemmtileg nýjung í lestrarbókaflórunni. Hver Bitabók er bara eitt blað sem brotið er saman þannig að úr verði bók. Þetta getur ekki verið einfaldara. Nú í fyrstu atrennu bjóðum við upp á 30 bækur. Við hvetjum alla kennara yngri nemenda til að kynna sér þessa frábæru nýjung sem hefur víða reynst svo vel.

Hér er boðið upp á 6 skemmtileg borðspil sem hægt er að prenta út og leika sér með. Allt sem þarf til að spila er á síðunni og boðið er upp á fleiri en eina útfærslu í flestum spilanna. Spilin sem boðið er upp á kallast: slönguspil, lúdó, minnisspil, já eða nei leikurinn, kapphlaupið og hvar á ég heima?

Skemmtilegar og vandaðar sögur til að lesa fyrir börnin til að þau læri stafina og það sem þeir segja. Það er ýmist hægt að skoða þær á vef eða prenta þær út.

Litabækur hafa lengi verið vinsælar meðal barna og þá bjóða þær upp á heilmikla þjálfun. Við bjóðum nú þegar upp á 3 litabækur og fleiri eru á leiðinni.

Á Skólavefnum höfum við útbúið stöðupróf sem eru unnin út frá Aðalnámskrá grunnskóla, auk þess sem þau byggja á prófum sem tekin eru á viðkomandi aldursstigi í völdum skólum. Við viljum vekja athygli á því að prófið fyrir hvern árgang miðast við að nemendur hafi lokið eða séu að ljúka námi í honum. Rétt er að taka það fram að í stöðuprófum fyrir yngstu nemendurna eru upplesnar leiðbeiningar og textar sem nemendur vinna með en foreldrar og kennarar geta sótt alla þá texta í svarheftinu. Hægt er að prenta prófin út eða þá að taka þau gagnvirk á vefnum.

Krakkagaman er safn stórskemmtilegra vinnuhefta fyrir yngstu bekkjardeildirnar þar sem boðið er upp á fjölbreytt verkefni. Heftin sem eru þematengd hafa að geyma milli 10 og 25 verkefnablöð hvert. Viðfangsefnin eru fjölbreytt og má segja að þau samþætti íslensku, stærðfræði og þrautir. Yfirheitin eru: Dýrin, litirnir, tölur 1-20, Virkir dagar og helgar, Garpur og Kata, Geimverur, Risaeðlur, Lundinn og hvalurinn, Umhverfið, Þjóðerni. Stærðfræðiskrímsli og Ofurhetjur.

Námsefnið Stafir og orð er hugsað fyrir yngstu nemendurna en þar er unnið með stafina og fyrstu skrefin í lestri. Þá er þar einnig að finna stutt þjálfunarverkefni í skrift auk annarra æfinga. Efnið skiptist í 4 bækur sem saman telja rúmlega 200 blaðsíður í prenti. Þið getið valið um að skoða þær sem flettibók eða þá í pdf formi til útprentunar og fyrir spjaldtölvur.