Frábært efni til að þjálfa sig í lestri og lesskilningi
Skemmtileg saga í nítján köflum með opnum spurningum og fjölvalsspurningum.
Þú getur valið um:
· ...einfalda vefútgáfu með gagnvirkum æfingum.
· ...prentútgáfu
· ...flettibók
· ...lausnahefti
Í dag bjóðum við upp á 10 nýjar lestrarbækur í ritröðinni Orð og saga. Hér er um að ræða bækur fyrir þau börn sem eru komin upp úr fyrsta lestrarfasanum, þ.e. þau allra yngstu, og vilja lesa eitthvað sem skiptir máli. Þar með eru bækurnar orðnar tuttugu.
Hver bók telur 14 lestrarsíður og hver síða tekur fyrir eina staðreynd, heilræði eða orðskýringu. Má ætla að einhverjir nemendur finni aukinn tilgang með lestrinum þegar þeir eru að læra eitthvað nýtt. Hvetjum við alla til að skoða þessar bækur vel.
Þjálfar allt í senn: lestur, lesskilning, beygingar og stafsetningu
Þrjár stigskiptar bækur. Hentar vel fyrir 5. bekk og uppúr.
Það eru til margar leiðir til að þjálfa lestur og lesskilning. Ein þessara leiða eru æfingar í að fylla inn í eyður texta. Auk þess að þjálfa almennan lestur og lesskilning gera slíkar æfingar nemendur meðvitaðri um stafsetningu orða og beygingar þegar það á við.
Þó svo að eyðufyllingar sem þessar hafi ekki mikið verið notaðar hér á landi eru þær mikið notaðar víða annars staðar og hafa þótt gefa góða raun, ekki síst til að nemendur öðlist heildarsýn á texta og efli þannig lesskilning.
BÓK 3 komin - Núna bjóðum við upp á nýjan valkost í sögukennslu sem viðvonum að falli bæði kennurum og nemendum í geð og stuðli að auknum áhuga ásögu.
Efnið samanstendur af stuttum lesköflum, og færhvert ár sinn kafla. Hægt er að nýta efnið á fjölbreyttan hátt. Það er t.a.m.tilvalið sem grunnefni eða kveikja að nánari athugun á tilteknum þáttum, en þaðgetur líka nýst eitt og sér til að gefa nemendum ákveðna svipmynd af 20. öldinni.Og alltaf má svo nýta efni sem þetta til að þjálfa almennan lestur oglesskilning.
Öllum köflum fylgja bæði opnar spurningar ogfjölvalsspurningar og er þar oft um nánast sömu spurningar að ræða; það erokkar trú að þannig festist efnisatriði sem best í minni.
Í þessi hefti um fyrri hluta 20. aldarinnarhöfum við valið það sem við teljum áhugavert en eins og gefur að skilja sýnistsitt hverjum í því efni.
Gjarnan hefur uppistaðan í sögukennslu tengststjórnmálum, valdatafli þjóðarleiðtoga og stríðsbrölti. Við förum þá leið einnigað einhverju marki, en við leggjum líka aðrar áherslur, enda af nógu að taka. Viðleggjum t.a.m. mikið upp úr því að kynna listir og listamenn sem höfðu mótandiáhrif á samtíma sinn, þar á meðal ungu kynslóðina.
Tuttugasta öldin var öld tveggja heimsstyrjaldameð öllum þeim hörmungum sem þeim fylgdu. Hún var einnig öld ótrúlegra framfaraí tækni og vísindum. Auk þess blómstruðu á öldinni listir, menning og íþróttir.
Söguþekking, af hvaða tagi sem hún er, auðveldarokkur að takast á við okkur sjálf og þá tíma sem við lifum.
Í dag bjóðum við upp á stórskemmtilega nýjung sem við köllum einfaldlega Málfræðimeistarann. Málfræðimeistarinn er í grunninn einfaldari útgáfa af hinu sívinsæla Málfræðiklikki og byggir á málfræðiatriðum sem farið er yfir á yngsta stigi grunnskólans.
Efnið skiptist í 4 flokka (sérhljóðar og samhljóðar, nafnorð, sagnorð, lýsingarorð) sem svo greinast niður í námsþætti eftir því út á hvað æfingarnar ganga.
Hver námsþáttur inniheldur 5 borð sem þyngjast eftir því sem ofar dregur. Hvert borð felur í sér 4 æfingar og í hverri æfingu birtast 5 málsgreinar, ein í einu (eða 5 orð í sérhljóða- og samhljóðaæfingunum). Nemendur vinna sig þannig áfram, skref fyrir skref, þar til þeir hafa náð góðum tökum á hverjum námsþætti fyrir sig.
Hér er samtals að finna vel yfir 2000 málsgreinar (og stök orð), svo það er af nógu að taka.
Ábendingar eða athugasemdir varðandi Málfræðimeistarann má gjarnan senda okkur á netfangið skolavefurinn@skolavefurinn.is - við tökum þeim fagnandi.
Þá er enn eitt skólaárið að hefjast og við á Skólavefnum erum spennt að fá að kynna ykkur á næstunni það nýja efni sem við munum bjóða upp á í vetur. Þar er af nógu að taka, til dæmis lestarapp sem við bindum miklar vonir við. Einnig munum við innan skamms bjóða upp á þrjár bækur með skemmtilegum eyðufyllingum en slíkar æfingar hafa víða reynst vel þegar verið er að þjálfa lestur, lesskilning og orðanotkun.
En í dag förum við af stað með hina kunnu sögu Frankenstein eftir Mary Wollstonecraft Shelley, sérútbúna til kennslu. Í okkar útgáfu er hún stytt og einfölduð, án þess þó að hún missi töfra sína.
Hægt er að nálgast söguna í ólíkum sniðum allt eftir því hvað hverjum og einum þykir þægilegast. Þið getið valið um:
• ... einfalda vefútgáfu með gagnvirkum æfingum.
• ... prentútgáfu
• ... flettibók
• ... lausnahefti
Frankenstein er sennilega ein þekktasta hryllingssaga sem skrifuð hefur verið, en þó flestum sé nafnið tamt í munni eru kannski færri sem þekkja söguna eins og hún birtist fyrst árið 1818.
Þrátt fyrir háan aldur er sagan enn furðulega nútímaleg að mörgu leyti því að auk þess að vera mögnuð spennusaga leynast í henni brennandi málefni sem þörf er á að velta fyrir sér og ræða um.
Nánar um söguna
Að lesa skemmtilegar sögur er besta leiðin til að þjálfa bæði lestur og lesskilning og þær gerast varla magnaðri en sagan Frankenstein.
Og eins og áður var nefnt býr margt í þessari sögu sem á jafnvel meira erindi við okkur í dag en þegar hún kom út og er óhætt að segja að við lestur hennar vakni ýmsar spurningar.
Í fyrsta lagi er það spurningin um hvenær vísindi okkar mannanna fara út fyrir þau mörk að þau séu okkur ekki lengur til framdráttar heldur séu okkur orðin beinlínis hættuleg.
Það kemur fram í sögunni að Frankenstein hafi gert það sem hann gerði til að auka velsæld í heiminum. Það leiðir hugann að uppfinningum eins og t.a.m. kjarnorkusprengjunni, alls kyns eitri sem fundið hefur verið upp og nú síðast gervigreindinni og þeim hættum sem henni geta fylgt.
Þá má velta fyrir sér spurningunni um hvað það sé sem fái fólk til að fremja alls kyns ódæði; hvort framkoma annarra ýti undir slíkt. Setjum t.d. svo að ef skynsamlega hefði verið brugðist við skrímslinu þegar það birtist fyrst, hefði það þá kannski alls ekki orðið skrímsli?
Það hefur líka verið álitamál hver sé hinn raunverulegi skúrkur í sögunni og þá spyrja menn gjarnan hver sé hlutdeild þess sem býr til vopnið o.s.frv.
Sumir hafa bent á trúarlegar vísanir í sögunni og má þá líta á skrímslið sem einhvers konar Adam og Frankenstein vísindamann sem einhvers konar almáttugan guð.
Margar kvikmyndir hafa verið gerðar sem byggjast á sögunni. Sú nýjasta sem við vitum um og hefur notið töluverðra vinsælda er myndin Poor Things.
Í fyrra buðum við upp á Grettis sögu í nýjum og einfölduðum búningi sem mæltist afar vel fyrir. Nú bætum við um betur og bjóðum ykkur upp á hina stórkostlegu Laxdæla sögu í svipuðum búningi. Sagan skiptist í 60 kafla og eru allir kaflarnir undir 200 orðum. Fjölbreytilegar spurningar fylgja efninu. Að sjálfsögðu geta kennarar svo pantað stuttar en hnitmiðaðar kennsluleiðbeiningar og lausnahefti. Gagnvirkar spurningar bætast við innan tíðar.
Þetta er frábært efni til að kenna Íslendingasögurnar og í leiðinni að þjálfa lestur og lesskilning í hæfilegum skömmtum.
Nýlega buðum við upp á stutt en hnitmiðað námsefni þar sem við kynntum merkar konur sem sagt er frá í Íslendingasögunum. Fimm konur hafa þegar verið kynntar: Auður djúpúðga, Guðrún Ósvífursdóttir, Guðríður Þorbjarnardóttir, Hallgerður langbrók og Helga Bárðardóttir. Nú bætist sú sjötta við sem er engin önnur en Þuríður á Fróðá.
Efnið er byggt upp á svipaðan hátt og í Litabókunum, þ.e. þið getið nálgast það í ólíkum sniðum: sem flettibók, í pdf og/eða í vefútgáfu. Fjölbreytt verkefni fylgja.
Já, hér er hægt að þjálfa lestur og lesskilning á markvissan og uppbyggilegan hátt og kynnast Íslendingasögunum í nýju ljósi. Hentar bæði í skólastofunni og fyrir einstaklingsmiðað nám heima fyrir.
Nú bjóðum við upp glænýtt heildstætt efni um fyrri heimsstyrjöldina hvort heldur til almennrar sögukennslu eða til að efla lesskilning.
Fyrri heimsstyrjöldin var ásamt með síðari heimstyrjöldinni sá atburður sem hvað mest mótaði tuttugustu öldina og þann veruleika sem við búum við í dag. Til að skilja betur samtímann er nauðsynlegt að kunna á henni skil.
Efnið er fyrst og fremst hugsað sem söguefni fyrir efstu bekki grunnskólans en mætti hæglega nota sem þjálfunarefni í lesskilningi á á öðrum stigum ef út í það er farið. Þá hentar efnið einnig framhaldsskólum.
Efnið skiptist í fimm bækur og má segja að fyrstu tvær bækurnar séu heildstætt efni þar sem farið er yfir aðdraganda styrjaldarinnar, gang hennar og afleiðingar. Hinar þrjár bækurnar eru ítarefni fyrir þá sem vilja fræðast enn frekar um meginmálið.
Efnið er hægt að prenta út en svo er efnið einnig aðgengilegt á góðri vefsíðu þar sem hægt er að hlusta á það upplesið og glíma við gagnvirkar fjölvalsspurningar.
Þá munum við innan skamms bjóða upp á myndbandsviðtöl við einstaklinga sem upplifðu átökin á eigin skinni.
Við viljum minna ykkur á þetta heildstæða námsefni í íslensku frá 1. og upp í 4. bekk sem notið hefur gríðarlegra vinsælda hjá þeim sem hafa kennt það.
1. bekkur - Stafir og orð
Námsefnið Stafir og orð er hugsað fyrir yngstu nemendurna en þar er unnið með stafina og fyrstu skrefin í lestri. Þá er þar einnig að finna stutt þjálfunarverkefni í skrift auk annarra æfinga.
2. bekkur - Orð og setningar
Í þessum bókum er lestur og lesskilningur í öndvegi um leið og farið er yfir ýmis atriði sem falla undir málfræði, hlustun, ritun og almenna málnotkun.
3. bekkur - Setningar og málsgreinar
r um að ræða þrjár bækur sem saman telja um 150 verkefni á 200 blaðsíðum. Efnið er bæði fjölbreytt og skemmtilegt þannig að sem flestir geta haft bæði gagn og gaman af. Megináhersla er á lesskilning og málfræði í einföldum búningi. Þá er töluvert af einföldum og aðgengilegum verkefnum til að krydda efnið og samþætta það öðrum áhugasviðum.
4. bekkur - Málsgreinar og mas
Málsgreinar og mas er heildstætt námsefni í íslensku hugsað fyrir 4. bekk og heldur áfram þar sem ritröðinni Setningar og málsgreinar sleppir.
Í dag bjóðum við upp á 70 nýjar gagnvirkar spurningar um grísku guðina undir liðnum Veistu svarið? en það er gagnvirkur spurningaleikur sem hentar fyrir allar tölvur og síma. Þú smellir á flokk og færð 10 spurningar í þeim flokki. Þegar þú hefur lokið þeim getur þú smellt á annan flokk eða sama flokkinn og fengið aftur tíu spurningar. Spurningarnar veljast handahófskennt þannig að þú getur fengið sömu spurningarnar aftur, en það er bara betra því þannig festast svörin í minni.
----
Þá minnum við á námsefnið okkar um Grísku guðina sem við gáfum út á vefnum á síðasta ári, en það er heildstætt námsefni sem við hvetjum ykkur til að skoða. Það eflir líka lesskilning sem kemur sér vel þessa dagana.
Lærum íslensku : Bók 2 (úkraínska og enska)
Hér er á ferðinni afar einfaldur þjálfunar- og æfingapakki til að þjálfa orðaforða í íslensku. Bókin skiptist í 12 hluta ef svo mætti að orði komast og liggur ákveðinn orðaforði til grundvallar hverjum kafla.
Aðferðin felst í því að lesa stök orð og þýðingu þeirra og reyna að leggja þýðinguna á minnið. Á næstu blaðsíðu á nemandinn síðan að reyna að skrifa þýðingu orðanna niður eftir minni; og á þriðju blaðsíðunni fær nemandinn einungis að sjá þýðinguna og á að skrifa rétt íslenskt orð við viðkomandi þýðingu. Þá eru nokkur létt verkefni látin fljóta með.
Þetta er viðbót við efnið Lærum íslensku og hægt að nota samhliða því.
Hægt er að panta bókina útprentaða hjá okkur (sjá Bóksölu).
Slóð í úkraínsku útgáfuna:
https://nytt.skolavefurinn.is/laerum-islensku-saman/ukrainska#ordafordi
Slóð í ensku útgáfuna:
https://nytt.skolavefurinn.is/laerum-islensku-saman/enska#ordafordi
Nú bjóðum við upp áhugaverða nýjung sem er lestrarvinnubók með sögunni um Gretti Ásmundarson hinn sterka. Efnið er hugsað sem brú á milli árganga þar sem textinn sjálfur er einfaldaður og styttur án þess þó að það komi niður á sögunni sjálfri. Þannig hentar hann nemendum á yngri stigum (5.–6. bekk) jafnt og þeim sem komnir eru á efri stig.
Söguna má nota bæði sem efni til að þjálfa lestur og lesskilning hjá yngri nemendum sem og til að kenna á eldri stigum í íslensku. Sagan er í 38 á köflum og er hver kafli mjög stuttur og hentar vel sem kennslueining. Hverjum kafla fylgja spurningar.
Hægt er að nálgast sérstaka kennarabók með efninu en þar er að finna ítarefni með hverjum kafla, auk lausna við spurningunum sem fylgja.
Þá er tilvalið að nota efnið þegar kynna á Íslendingasögur eldri nemendum. Það hefur víða tíðkast meðal þjóða að kynna eldri bókmenntaverk á einfaldan og aðgengilegan hátt til að slíkar gersemar fari ekki forgörðum, og þyrftum við hér heima kannski að gera meira af því.
Þá gætu foreldrar séð sér leik á borði og lesið þetta efni heima með börnum sínum því það hentar í sjálfu sér öllum aldurshópum. Þannig slá foreldrar og aðrir aðstandendur tvær flugur í einu höggi: hjálpa börnunum að ná sem bestum tökum á lestri og veita þeim innsýn í dýrmætan menningararf. Góð samverustund það.
Efnið er hægt að nálgast sem flettibók, pdf og í vefsíðu þar sem boðið er upp á fjölvalsspurningar með hverjum kafla.
Nýlega buðum við upp á sex nýjar lestrarbækur sem byggðu á rími og nú er komið að annarri línu af lestrarbókum fyrir þau yngstu. Þá ritröð köllum við Hér og nú. Bækurnar sem hver um sig telur 14 lestrarsíður og byggja á kunnum orðasamböndum, algengum sagnorðum og lýsingarorðum. Vonum við að þær falli jafnvel í kramið og Rímbækurnar.
Það getur verið gagnlegt að læra tungumál í gegnum léttar og skemmtilegar fjölvalsspurningar og það er einmitt það sem við bjóðum ykkur upp á í dag. Um er að ræða fjórar nýjar orðaforðaæfingar þar sem þið þjálfið ykkur orðum yfir líkamann 38 orð), námsgreinar (22 orð), staðsetningu og skapgerð (26 orð) og persónueinkenni (30 orð). Já, nú getið þið bætt 116 nýjum orðum í danska orðforðann ykkar.
Nú bjóðum við upp á glænýja síðu þar sem þið getið búið til ykkar eigin stærðfræðiblöð eða bækur með nokkrum músarsmellum. Hægt er að velja um samlagningu, frádrátt, margföldun og deilingu. Þá getið þið valið um ólíkar útfærslur dæmanna s.s. uppsetningu dæmanna sjálfra, hvaða tölur eiga að liggja til grundvallar o.s.frv. Að sjálfsögðu fylgja lausnir með ef þess er óskað.
Síðast en ekki síst þá er hægt að útbúa dæmasöfn með sömu forsendum gagnvirk með einum smelli fyrir öll tæki. Er þetta ótrúlega gagnleg og skemmtileg útfærsla sem enginn má láta framhjá sér fara.
Bækurnar eru hugsaðar fyrir yngstu nemendurna og þá sem eru að fóta sig í fyrstu skrefum lestrarævintýrisins. Efnið er að frábrugðið hefðbundnu þjálfunarefni í lestri því áherslan hér er fyrst og fremst á rím og það hvernig stafur eða stafir á undan, á eftir og inn í orði geta breytt lestraráherslunum og myndað ný orð og nýja merkingu. Er það von okkar að efnið sé góð viðbót í allt það ágæta efni sem til er.
Nú bjóðum við upp á glænýja leikjasíðu fyrir börn á öllum aldrei með leikjum sem þjálfa rökfærni og hugsun.
Við byrjum á fjórum tegundum af leikjum sem eru:
1) púsl
2) kubbapúsl
3) rennipúsl
4) minnisleikur
Tíu leikir eru í hverjum flokki sem þannig gerir 40 leiki.
Já, það er engin ástæða að láta sér leiðast. Nýir leikir bætast við fljótlega.
Hér má nálgast stuttar og markvissar kennslubækur í samfélagsfræði fyrir yngsta stigið eða frá 1. og upp í 4. bekk. Allt efnið tekur mið af Aðalnámskrá grunnskóla.
Skólavefurinn hefur að undanförnu fengið fjölda beiðna um meira efni í stærðfræði og eins og alltaf reynum við að verða við óskum notenda. Í dag bjóðum við upp á nýja bók í stærðfræði sem fyrst og fremst er hugsuð fyrir 4. bekk og þá sem upprifjun á efni 3. bekkjar. Hún telur 40 blaðsíður og skiptist í 14 kafla.
Eins og alltaf tekur efnið mið af Aðalnámskrá grunnskóla og því námsefni sem lagt er til grundvallar í þeim bekkjum.
Bitabækur er skemmtileg nýjung í lestrarbókaflórunni sem notaðar hafa verið með góðum árangri víða erlendis.
Hver Bitabók er bara eitt blað sem brotið er saman þannig að úr verði bók. (þ.e. fyrst er blaðið brotið til helminga þannig að lestrarefnið sé utaná og síðan aftur til helminga þannig að forsíðan sé á réttum stað)
Þetta getur ekki verið einfaldara.
Nú í fyrstu atrennu bjóðum við upp á 30 bækur en munum svo fjölga þeim hratt.
Við hvetjum alla kennara yngri nemenda til að kynna sér þessa frábæru nýjung sem hefur víða reynst svo vel.
Helga Bárðardóttir var sannarlega óvenjuleg; hún var skáld, og hún lék á hörpu. Hún var mennsk að nokkru leyti en tröllablóð var einnig í æðum hennar. Nú bjóðum við upp á sögu þessarar stórbrotnu konu í Heimalestri í átta stuttum bútum.
Heimalestur Skólavefsins hefur fengið mjög góðar viðtökur
Á vordögum hleypti Skólavefurinn af stokkunum nýju efni sem hlaut yfirskriftina Heimalestur. Efnið er ætlað til daglegrar þjálfunar í lestri í heimahúsum og á það að sameina bæði skemmtun og fróðleik ásamt því að efla lesskilning nemandans.
Hægt er að velja á milli svokallaðra bútalestra og lengjulestra.
Bútalestrarnir bjóða upp á stuttar „bækur“ sem innihalda hver um sig tíu eða færri „búta“ (kafla) um afmarkað efni.
Lengjulestar innihalda ellefu eða fleiri búta (kafla) í hverri „bók“, þar sem hver bók hefur að geyma þröngt afmarkað svið.
Verkefni og gagnvirkar spurningar fylgja hverjum bút, og flóknari bútum fylgja að auki skýringar og umræðupunktar sem nemendur eða foreldrar geta nálgast ásamt svörum við verkefnum.
Þetta efni hefur þegar fengið mjög góðar undirtektir. Við höfum því ákveðið að bæta smátt og smátt við, og nú í vikunni höfum við sett inn nýjan bútalestur, að þessu sinni átta búta um Helgu Bárðardóttur sem er m.a. fræg fyrir að hafa farið á ísjaka frá Snæfellsnesi til Grænlands. Fleiri bútalestrar munu fylgja um íslenskar kvenhetjur og má þar nefna Þuríði á Fróðá, Auði djúpúðgu, Hallgerði langbrók og Guðrúnu Ósvífursdóttur.
Kosturinn við heimalesturstextana er m.a. sá að hver „bútur“ er stuttur (um 150 orð) og yfirstíganlegur – og ef hann höfðar til nemandans verður það hvatning til að færa sig yfir á næsta bút til að fræðast meira um viðkomandi persónu eða málefni.
Við höfum þegar fengið fréttir af foreldrum sem hafa kynnt sér þetta efni og látið börn sín prófa það. Þetta hefur orðið til þess að umræða hefur skapast innan fjölskyldunnar og áhugi kviknað á því fjölbreytilega efni sem hér er um að ræða.
Við bendum foreldrum á að mikið úrval lesskilningstexta er að finna á Skólavefnum og má þar benda á Litabækurnar sem geyma fjölmarga stutta og skemmtilega texta ásamt gagnvikrum spurningum og verkefnum fyrir alla aldursflokka grunnskólans.
Þá má benda kennurum, sem hafa nýtt sér Litabækurnar, að Heimalesturinn (þ.e. bútalestrarnir og lengjulestrarnir) geta orðið kærkomin viðbót við litabókaefnið.
Lestrarþjálfunar- og lesskilningsefnið sem við höfum kosið að kalla Litabækurnar er nýjung hér á Skólavefnum sem hefur notið gríðarlegra vinsælda undanfarin misseri. Hafa bæði kennarar og heimili verið að kalla eftir fleiri textum og jafnvel styttri textum en boðið hefur verið upp á fram að þessu.
Nú höfum við orðið við báðum þessum óskum því í dag getið þið nálgast 30 nýja texta sem allir telja undir 70 orð.
Eru textarnir eins og fyrri textar bæði fjölbreyttir og skemmtilegir með vönduðum verkefnum.
Heimalestur er nýjung úr smiðju okkar á Skólavefnum þar sem markmiðið er að hjálpa nemendum að bæta sig í lestri og lesskilningi og hafa gaman af því. Hentar þetta bæði í skólanum og heima fyrir.
Við bjóðum upp á tvo flokka af lestrum, þ.e. annars vegar bútalestra sem samanstanda af stuttum sjálfstæðum lestrum sem þó eru tengdir innbyrðis, og hins vegar svokallaða lengjulestra sem eru framhaldslestrar og segja samfelldari sögu. Hver lestrareining er stutt og hnitmiðuð. Textarnir eru fjölbreyttir og fræðandi. Því ættu allir að geta fundið eitthvað við hæfi.
Til að styðja enn frekar við nemendur bjóðum við upp á ýmis hjálpartól á vefútgáfunni sem hægt er að nýta.
Þau eru:
• listar yfir erfið orð
• gagnvirkar spurningar til að prófa lesskilning
• orðskýringar
• skráningarferli til að nemendur geti fylgst með lestrarframvindu sinni.
Hvað varðar erfiðleikastig lestranna, þá verður hver nemandi að finna sér texta sem honum hentar og höfum við ekki flokkað þá.
Sú umræða að mörg íslensk börn eigi við lestrarvanda að stríða hefur farið nokkuð hátt að undanförnu. Við viljum með þessu og öðru námsefni Skólavefsins leggja okkar af mörkum til að aðstoða nemendur við að bæta árangur sinn í lestri og lesskilningi. Sem fyrr leggjum við kapp á að bjóða upp á vandað og áhugavert efni með skemmtilegri framsetningu og með gagnlegum verkefnum, því það hér gildir sú gamla staðhæfing að æfingin skapar meistarann.
Efni þetta er hugsað sem þjálfunarefni í lestri fyrir þá nemendur sem hafa áhuga á að nýta lesturinn til almenns fróðleiks og þekkingarauka. Ekki viljum við eyrnamerkja það neinum ákveðnum aldurshópi og verður hver og einn að meta það hvort textinn henti honum.
Efnið er byggt á bók bandaríska sagnfræðingsins Hendrik Willem van Loon (1882–1944) sem í mjög frjálslegri íslenskri þýðingu mætti útleggja sem Stutt saga landafundanna frá fyrstu tíð fram til þess að nýi heimurinn uppgötvast, en með nýja heiminum er átt við Ameríku.
Efnið er samsett úr 52 stuttum köflum og hverjum kafla fylgja spurningar sem tilvalið er að skoða. Bæði er um að ræða opnar spurningar og fjölvalsspurningar og getur hver og einn valið hvort tveggja eða annað hvort. En við viljum vekja athygli á að með því að svara spurningum úr efninu festum við okkur innihald textans betur í minni.
Í upphafi hvers kafla höfum við útbúið stutta orðalista með orðum sem gætu vafist fyrir í lestri og mælum við með að nemendur fari yfir hann áður en farið er í sjálfan kaflann.
Já, hér fáið þið frábært efni til að þjálfa lestur hvort sem er heima fyrir eða í skólanum.
Efni þetta er fyrst og fremst hugsað sem þjálfunarefni í lestri fyrir þá sem hafa áhuga á að nýta lesturinn til almenns fróðleiks og þekkingarauka. Ekki viljum við eyrnamerkja það neinum ákveðnum aldurshópi og verður hver og einn að meta það hvort textinn henti honum.Efnið verður innan tíðar einnig sett upp á vefsíðu þar sem hægt verður að hlusta á hvern kafla upplesinn.
Efninu er skipt upp í fjórtán kafla og er hver kafli tileinkaður ákveðnum guði. Alls telur þessi bók 40 blaðsíður. Hver kafli samanstendur af lestexta, spurningum úr honum og einföldum en hnitmiðuðum þjálfunarverkenum í grunnatriðum íslenskunnar.
Í þessari útprentanleguu útgáfu er um að ræða opnar spurningar en á væntanlegri vefsíðuútgáfu verða fjölvalsspurningar og getur þá hver og einn valið hvort tveggja eða annað hvort. En við viljum vekja athygli á því að það að svara spurningum úr efni sem þessu hjálpar mikið til að leggja innihaldið á minnið.
Já, hér fáið þið frábært efni til að þjálfa lestur hvort sem er heima fyrir eða í skólanum. Og í ofanálag tileinkið þið ykkur áhugaverðan fróðleik sem alltaf kemur sér vel.
Nú er komið að fjórðu bókinni af Málfræðiskömmtum Skólavefsins. Þar er að finna 20 skammta.
Málfræðiskammtar Skólavefsins eru hugsaðir fyrir efri bekki grunnskólans (7.–10. bekk) og framhaldsskólann. Samtals er um að ræða 80 málfræðiskammta í fjórum bókum þar sem farið er yfir öll helstu málfræðiatriði sem Aðalnámskrá kveður á um.
Hverjum skammti fylgja verkefni, bæði opnar spurningar og gagnvirkar.
Þá er komið að bók númer þrjú í bókaflokknum Málsgreinar og mas. Hún samanstendur af 50 köflum eins og fyrri bækur.
Málsgreinar og mas er heildstætt námsefni í íslensku hugsað fyrir 4. bekk og heldur áfram þar sem ritröðinni Setningar og málsgreinar sleppir. Efnið er unnið samkvæmt Aðalnámskrá grunnskóla fyrir viðkomandi árgang sem og okkar eigin námskrá sem við tókum saman í íslensku fyrir alla aldurshópa grunnskólans.
Eins og áður leggjum við ríka áherslu á lesskilning og lestur almennt ásamt því sem við förum yfir alla þá þætti sem nemendur 4. bekkjar eiga að kunna skil á. Þá leggjum við sérstaka áherslu á vinnu með orð og orðaforða.
Við höfum skipt efninu í þrjár bækur og verður hægt að nálgast þær á sérstakri vefsíðu í ólíkum útfærslum auk þess að sækja gagnvirkar æfingar sem tengjast efninu.
LITABÆKURNAR er frábært efni úr námsgagnasmiðju okkar á Skólavefnum. Bækurnar sem eru sex að tölu hafa að geyma þrjátíu lestexta hver, en textarnir eru mislangir eftir bókum (litum). Felst flokkun bókanna fyrst og fremst í lengd textanna, en þá eru styttri textarnir gjarnan einfaldari, bæði hvað varðar byggingu og orðaval. Öllum lestextunum fylgja vandaðar spurningar sem umfram allt eru hugsaðar til að þjálfa lesskilning.
Lestextarnir sjálfir voru valdir af kostgæfni en þar var reynt að sameina áhuga nemendanna, námskrána og fróðleik sem við teljum að muni nýtast vel.
Eins og með annað efni úr okkar smiðju þá er það útbúið þannig að bæði er hægt að vinna það beint af vefnum og fá það á prenti. Vefefnið er aðgengilegt á Skólavefnum og æfingarnar sem fylgja hverjum texta eru gagnvirkar fjölvalsspurningar. Erum við stolt af þessu efni og ánægð með veflausnirnar. Í prentútgáfunni eru spurningarnar opnar.
Hér er á ferðinni frábært efni til að þjálfa lesskilning!
Á síðasta vetri buðum við uppá glænýtt heildstætt námsefni í íslensku fyrir 2. bekk sem við kölluðum Orð og setningar (þrjár bækur). Kom það í kjölfar efnisins Stafir og orð sem hugsað var fyrir 1. bekk. Þetta efni hefur notið töluverðra vinsælda og verið mikið notað. Nú munum við bjóða upp á hliðstæðan pakka fyrir 3. bekk sem ber heitið Setningar og málsgreinar. Þetta er heildstætt námsefni í íslensku, það skiptist í þrjár bækur og telur samtals rétt tæpar 200 blaðsíður.
Námsefnið Stafir og orð er hugsað fyrir yngstu nemendurna en þar er unnið með stafina og fyrstu skrefin í lestri. Þá er þar einnig að finna stutt þjálfunarverkefni í skrift auk annarra æfinga.
Efnið skiptist í 4 bækur sem saman telja rúmlega 200 blaðsíður í prenti. Þið getið valið um að skoða þær sem flettibók sem hentar vel þegar kennari vill sýna nemendum eitthvað á skjávarpa eða þá í pdf ef þið viljið prenta efnið út. Hægt er að panta bækurnar útprentaðar hjá okkur. (Sjá Bóksölu) þar sem þið getið nálgast efnisyfirlit hverrar bókar fyrir sig.
Nú bjóðum við upp á fjórar nýjar og stórskemmtilegar verkefna- og þrautabækur fyrir yngstu nemendur grunnskólans og elstu nemendur leikskólans. Efnið er úr smiðju Mjallar Gunnarsdóttur og hvetjum við alla til að kynna sér þetta efni vel. Verkefnin sameina það að reyna á athyglisgáfu nemenda og að vera skemmtileg en það er jú forsenda þess að jákvætt nám eigi sér stað.
Eins og áður sagði er hér um 4 bækur að ræða sem hver um sig hefur að geyma tíu verkefni og því samtals um 40 verkefni að ræða. Rétt er að vekja athygli á því að þó að verkefnin séu í lit hjá okkur virka þau allt eins vel í svarthvítu og því auðvelt að prenta þau út. Góða skemmtun!
Skólavefurinn býður nú upp á þrjár glænýjar kennslubækur í landafræði sem eru hugsaðar fyrir 5., 6. og 7. bekk en má þó einnig kenna á öðrum stigum, allt eftir efnum og ástæðum. Bækurnar eru eftir Ingibjörgu Sól Ingólfsdóttur og myndskreyttar af Mjöll Sigurðardóttur. Þær taka í einu og öllu mið af Aðalnámskrá grunnskóla í greininni auk þess sem reynt hefur verið að gera efnið bæði aðlaðandi og áhugavert fyrir nemendur. Góð verkefni fylgja hverri bók. Þá verður hægt að nálgast lausnir við öllum verkefnum.
Vönduð vefsíða fylgir efninu þar sem hægt er að nálgast bækurnar sem flettibækur og í pdf útgáfu. Á vefsíðunni geta kennarar einnig nálgast skemmtilegar gagnvirkar æfingar þar sem nemendur geta þjálfað sig í að þekkja lönd, höfuðborgir og fána.
Í þessu efni er landafræðin skoðuð í ljósi nýjustu áherslna og upplýsinga. Hér er á ferðinni efni sem talar inn í samtímann og það sem brennur á fólki í dag.
Í þessari bók sem er 46 blaðsíður á lengd og skiptist í 13 kafla er farið yfir kort og hvernig á að lesa úr þeim, heimsálfurnar og fleira.
Verkefnin sem fylgja eru mjög fjölbreytt, áhugaverð og skemmtileg.
Í þessari bók sem er 49 blaðsíður á lengd og skiptist í 16 kafla er farið yfir kenningar um hvernig heimurinn varð til, samsetningu jarðarinnar, flekakenninguna, jarðskjálfta og eldvirkni, háhita- og lághitasvæði og fleira
Fjölbreytt og skemmtileg verkefni fylgja hverjum kafla.
Í þessari bók sem er 72 blaðsíður á lengd og skiptist í 15 kafla er hugtakið loftslag útskýrt og hvað hefur áhrif á það, gang himintunglanna, möndulhalla jarðar, árstíðir, loftslagsbelti, hæð yfir sjávarmáli, hafstrauma, hæðir, lægðir og loftþrýsting, lofthjúpinn, hlýnun jarðar og margt fleira. Fjölbreytt og skemmtileg verkefni fylgja hverjum kafla.
Skólavefurinn.is
